Xossip

  #1  
Old 14th February 2011
jatin2121's Avatar
Custom title
  Storyteller: Valentine's Love Guru    Annual Masala Awards: Thread of the Year      
Join Date: 5th April 2009
Posts: 1,065
Rep Power: 26 Points: 4518
jatin2121 is hunted by the papparazijatin2121 is hunted by the papparazijatin2121 is hunted by the papparazijatin2121 is hunted by the papparazi
Ek Anokha Bandhan

Ek Anokha Bandhan


Ye main kaha hun. main to apne kamre mein neend ki goli ley kar shoyi thi.
main yaha kaise aa gayi ? kiska kamra hai ye ?

aankhe khulte hi zarina ke man mein hazaaron sawaal ghumne lagte hain. Ek
anjaana bhaiy uske man ko gher leta hai.


Vo kamre ko bade gor se dekhti hai. "kahi main sapna to nahi dekh rahi" zarina sochti hai.

"nahi nahi ye sapna nahi hai...par main hun kaha?" zarina hairaani mein pad jaati hai.

Vo himmat karke dheere se bistar se khadi ho kar dabe paanv kamre se baahar aati hai.

"bilkul shunshaan sa maahol hai...aakhir ho kya raha hai."

zarina ko saamne bane kitchen mein kuch aahat shunaayi deti hai.

"kitchen mein koyi hai...kaun ho sakta hai....?"

zarina dabe paanv kitchen ke darvaaje par aati hai. Ander khade ladke ko dekh kar ushke hosh ud jaate hain.


arey ! ye to aditya hai ye yaha kya kar raha hai...kya ye mujhe yaha ley kar aaya hai...ishki himmat kaise huyi zarina darvaaje par khade khade sochti hai.

Aditya uska class mate bhi tha aur padosi bhi. Aditya aur zarina ke parivaaron mein bilkul nahi banti thi. aksar aditya ki mammi aur zarina ki ammi mein kisi na kisi baat ko ley kar kaha suni ho jaati thi. In padosiyon ka jhagda pure mohalle mein mashur tha. Aksar inki bhidant dekhne ke liye log ikkatha ho jaate the.

Zarina aur aditya bhi ek dusre ko dekh kar bilkul khus nahi the. Jab kabhi
college mein vo ek dusre ke saamne aate the to muh pher kar nikal jaate the. Haalat kuch aisi thi ki agar unme se ek college ki canteen mein hota tha to dusra canteen mein nahi ghusta tha. Shukar hai ki dono alag alag section mein the. Varna class attend karne mein bhi problem ho sakti thi.

Kya ye mujh se koyi badla ley raha hai ? Zarina sochti hai.

Achaanak zarina ki nazar kitchen ke darvaaje ke paas rakhe flower pot par padi. Ushne dheere se flower pot uthaaya.

Adiya ko apne peeche kuch aahat mahsus huyi to ushne turant peeche mud kar dekha. Jab tak vo kuch samajh paata... zarina ne ushke sar par flower pot de maara.

Aditya ke sar se khun bahne laga aur vo ladkhada kar gir gaya.

"tumhaari himmat kaise huyi mere saath aisi harkat karne ki." zarina cheellaayi.

Zarina fauran darvaaje ki taraf bhaagi aur darvaaja khol kar bhaag kar apne ghar ke baahar aa gayi.

Par ghar ke baahar pahunchte hi ushke kadam ruk gaye. Ushki aankhe jo dekh rahi thi ushe ush par vishvaas nahi ho raha tha. Vo thar-thar kaanpne lagi.

Uske adh-jale ghar ke baahar uske abba aur ammi ki laash thi aur ghar ke
darvaaje par uski choti bahan fatima ki laash nirvastra padi thi. gali main
charo taraf kuch aisa hi maahol tha.


Zarina ko kuch samajh nahi aata. uski aankho ke aage andhera chaane lagta hai aur vo phoot-phoot kar rone lagti hai.


Itne mein aditya bhi vaha aa jaata hai.

Zarina use dekh kar bhaagne lagti hai.par aditya teji se aage badh kar uska muh daboch leta hai aur use ghasit kar vaapis apne ghar mein laakar darvaaja band karne lagta hai.


Zarina ko sofe ke paas rakhi hokey nazar aati hai.Vo bhaag kar use utha kar aditya ke pet mein maarti hai aur teji se darvaaja kholne lagti hai. par aditya jaldi se sambhal kar use pakad leta hai

paagal ho gayi ho kya kaha ja rahi ho.. dange ho rahe hain baahar. Insaan bhediye ban chuke hain.. tumhe dekhte hi noch-noch kar kha jaayenge

zarina ye sun kar hairaani se puchti hai, d.d..dange !! kaise dange?

Ek group ne train phoonk di.. aur dusre group ke log ab ghar-baar phoonk rahe hain charo tarafha-ha-kaar macha haikhun ki holi kheli ja rahi hai

Mere ammi,abba aur fatima ne kisi ka kya bigaada tha ---zarina kahte huve
subak padti hai

bigaada to un logo ne bhi nahi tha jo train mein the..bas yu samajh lo ki
karta koyi hai aur bharta koyi sab raajnitik shadyantra hai

tum mujhe yaha kyon laaye, kya mujh se badla ley rahe ho ?

jab pata chala ki train phoonk di gayi to main bhi apna aapa kho baitha tha

haan-haan minority ke khilaaf aapa khona bada aasaan hai

mere ma-baap us train ki aag mein jhulas kar maare gaye, zarina...koyi bhi apna aapa kho dega.

to meri ammi aur abba kaun sa zeenda bache hain.. aur fatima ka to rape huva
lagta hai. ho gaya na tumhaara hisaab baraabar ab mujhe jaane do zarina rote huve kahti hai.

Ye sab maine nahi kiya samjhi tumhe yaha utha laaya kyonki fatima ka rape
dekha nahi gaya mujhse.abhi raat ke 2 baje hain aur baahar curfew laga hai.
Maahol theek hone par jahaan chaahe chali jaana

Mujhe tumhaara ahsaan manjoor nahimain apni jaan de dungi

Zarina kitchen ki taraf bhaagti hai aur ek chaaku utha kar apni kalaayi ki nuss
kaatne lagti hai

Aditya bhaag kar uske haath se chaaku cheen-ta hai aur uske muh par jor se ek thappad maarta hai.

Zarina thappad ki chot se ladkhada kar gir jaati hai aur phoot-phoot kar rone
lagti hai.

Chup ho jao.. baahar har taraf vahasi darinde ghum rahe hain.. kisi ko shak ho gaya ki tum yaha ho to sab gadbad ho jaayega

kya ab main ro bhi nahi sakti kya bacha hai mere paas ab.. ye aansu hi hain.. inhe to bah jaane do

Aditya kuch nahi kahta aur bina kuch kahe kitchen se baahar aa jaata hai.
zarina rote huve vaapis ushi kamre mein ghuss jaati hai jishmein ushki kuch der pahle aankh khuli thi.

-----------------------



Agli subah zarina uth kar baahar aati hai to dekhti hai ki aditya khaana bana
raha hai.

Aditya zarina ko dekh kar puchta hai, kya khaaogi ?

Zahar ho to de do

Vo to nahi hai.. tute-phute paraanthe bana raha hun.yahi khaane
padenge...aaoouch aditya ki ungli jal gayi.

Kya huva. ?

Kuch nahi ungli zal gayi

Kya pahle kabhi tumne khaana banaaya hai ?

Nahi, par aajbanaana padega.. ab vaise bhi mammi ke bina mujhe khud hi banaana padega

Zarina kuch soch kar kahti hai, hato, main banaati hun

Nahi main bana lunga

Hat bhi jaojab banaana nahi aata to kaise bana loge

Ek shart par hatunga

Haan bolo

Tum bhi khaaogi na?

Mujhe bhook nahi hai


Main samajh sakta hun zarina, tumhaari tarah maine bhi apno ko khoya hai. Par zeenda rahne ke liye hamein kuch to khaana hi padega

Kiske liye zeenda rahun, kaun bacha hai mera?

Kal main bhi yahi soch raha tha. Par jab tumhe yaha laaya to jaise mujhe jeene
ka koyi maksad mil gaya


Par mera to koyi maksad nahi

Hai kyon nahi? Tum is dauraan mujhe acha-acha khana khilaane ka maksad bana lo vakt kat jaayega. Curfew khulte hi main tumhe suraksit jaha tum kaho vaha pahuncha dunga aditya halka sa muskura kar bola

Zarina bhi uski baat par halka sa muskura di aur boli, chalo hato ab. mujhe banaane do


Kya main kisi tarah delhi pahunch sakti hun, meri mausi hai vaha?


Chinta mat karo, maahol theek hote hi sabse pehla kaam yahi karunga


Zarina aditya ki aur dekh kar sochti hai, kabhi socha bhi nahi tha ki jish
insaan se main baat bhi karna pasand nahi karti, uske liye kabhi khaana
banaaungi

Aditya bhi man mein sochta hai, kya khel hai kismat ka? jish ladki ko dekhna
bhi pasand nahi karta tha, uske liye aaj kuch bhi karne ko taiyaar hun. Shaayad
yahi insaaniyat hai

Dheere-dheere vakt beet-ta hai aur dono ache dost bante jaate hain. Ek dusre ke prati unke dil mein jo nafrat thi vo na jaane kaha gaayab ho jaati hai.

Vo 24 ghante ghar mein rahte hain. Kabhi pyar se baat karte hain kabhi takraar se. kabhi hanste hain aur kabhi rote hain. Vo dono vakt ki kadvaahat ko
bhulaane ki puri kosish kar rahe hain.

Ek din aditya zarina se kahta hai, tum chali jaaogi to na jaane kaise rahunga
main yaha. Tumhaare saath ki aadat si ho gayi hai. Kaun mere liye
acha-acha khaana banaayega. Samajh nahi aata ki main tab kya karunga?


Tum shaadi kar lena, sab theek ho jaayega

Aur phir bhi tumhaari yaad aayi to?

To mujhe phone kiya karna


Zarina ko bhi aditya ke saath ki aadat ho chuki hai. Vo bhi vaha se jaane ke
khyaal se pareshaan to ho jaati hai, par kahti kuch nahi.



After one month: --


Zarina, utho din mein bhi shoti rahti ho

Kya baat hai? shone do na


Curfew khul gaya hai. Main train ki ticket book kara kar aata hun. tum kisi
baat ki chinta mat karna, main jaldi hi aa jaaunga

Apna khyaal rakhna aditya

Theek haisho jao tum kumbhkaran kahin kihe..he..he.


Vaapis aao main tumhe bataati hun --- zarina aditya ke upar takiya fenk kar
bolti hai

Aditya hanste huve vaha se chala jaata hai.

Jab vo vaapis aata hai to zarina ko kitchen mein paata hai

Bas 5 din aurphir tum apni mausi ke ghar par hogi

5 din aur ka matlab? Mujhe kya yaha koyi takleef hai?

To ruk jao phir yahinagar koyi takleef nahi hai to

Zarina aditya ke chehre ko bade pyar se dekhti hai. Uska dil bhaavuk ho uthta
hai

Kya tum chaahte ho ki main yahin ruk jaaun?

nahi-nahi main to majaak kar raha tha baba. Aisa chaahta to ticket kyon book
karaata? -- ye kah kar aditya vaha se chal deta hai. Use pata bhi nahi chalta
ki uski aankhe kab nam ho gayi.

Idhar zarina man hi man kahti hai, tum rok kar to dekho main tumhe chhod kar kahin nahi jaaungi

Vo 5 din un dono ke bahut bhaari gujarte hain. Aditya zarina se kuch kahna chaahta hai, par kuch kah nahi paata. Zarina bhi baar-baar aditya ko kuch kahne ke liye khud ko taiyar karti hai par aditya ke saamne aane par uske hont sil jaate hain.


Jish din zarina ko jaana hota hai, us se peechli raat dono raat bhar baate
karte rahte hain. Kabhi college ke dino ki, kabhi movies ki aur kabhi cricket
ki. kisi na kisi baat ke bahaane vo ek dusre ke saath baithe rahte hain. man hi man dono chaahte hain ki kaash kisi tarah baat pyar ki ho to acha ho. Par billi ke gale mein ghanti baandhe kaun ? Dono pyar ko dil mein dabaaye, duniya bhar ki baate karte rahte hain.

Subah 6 baje ki train thi. vo dono 4 baje tak baate karte rahe. Baate karte-karte unki aankh lag gayi aur dono baithe-baithe sofe par hi sho gaye.

koyi 5 baje Aditya ki aankh khulti hai. use apne paanv par kuch mahsus hota hai


Vo aankh khol kar dekhta hai ki zarina ne uske pairo par maatha tika rakha hai

Arey!!!!!! ye kya kar rahi ho?

apne khuda ki ibaadat kar rahi hun, tum na hote to main aaj hargiz jeenda na hoti

Main kaun hota hun zarina, sab us bhagvaan ki kripa hai, chalo jaldi taiyaar ho jao, 5 baj gaye hain, hum kahin late na ho jaayein


Zarina vaha se uth kar chal deti hai aur man hi man kahti hai, mujhe rok lo
aditya

Kya tum ruk nahi sakti zarina...bahut acha hota jo hum hamesa ish ghar mein ek saath rahte. aditya bhi man mein kahta hai.

Ek anokha bandhan dono ke beech jud chuka hai.




----------------------

5:30 baje aditya, zarina ko apni bike par railway station ley aata hai.


Zarina ko rail mein baitha kar aditya kahta hai, ek surprise dun

Kya?

Main bhi tumhaare saath aa raha hun

Sach!!!!

Aur nahi to kya main kya aise maahol mein tumhe akele delhi bhejunga


Tum insaan ho ki khudakuch samajh nahi aata


Ek maamuli sa insaan hun jo tumhe

Tumhe kya? zarina ne pyar se pucha

Kuch nahi

Aditya man mein kahta hai, .jo tumhe bahut pyar karta hai

Jo baat zarina sun-na chaahti hai, vo baat aditya man mein soch raha hai, aisa ajeeb pyar hai ushka.

Train chalti hai. Aditya aur zarina khub baate karte hain.baato-baato mein kab vo delhi pahunch jaate hain.unhe pata hi nahi chalta


Train se utarte vakt zarina ka dil bhaari ho uthta hai. Vo sochti hai ki pata
nahi ab vo aditya se kabhi mil bhi paayegi ya nahi.


Arey soch kya rahi houtro jaldi aditya ne kaha.

Zarina ko hosh aata hai aur vo bhaari kadmo se train se utarti hai.


Chalo ab silampur ke liye auto karte hain aditya ne ek auto waale ko ishaara kiya.

Kya tum mujhe mausi ke ghar tak chod kar aaoge?


Aur nahi to kya isi bahaane tumhaara saath thoda aur mil jaayega

Zarina ye sun kar muskura deti hai.


Aditya ke ishaare se ek auto waala ruk jaata hai aur dono usme baith kar silampur ki taraf chal padte hain.


Zarina raaste bhar kinhi gahre khayaalo mein khoyi rahti hai. aditya bhi chup rahta hai.


Ek ghante baad Auto wala silampur ki market mein auto rok kar puchta hai, kaha jaana hai koyi pata-address hai kya?


Hmm..bhaiya yahi utaar do. Aditya, mausi ka ghar saamne wali gali mein hai zarina ne kaha.

"shukar hai tum kuch to boli." aditya ne kaha.

"tum bhi to chup baithe the moni baba ban kar...kya tum kuch nahi bol sakte the."

"acha-acha ab utro bhi...auto waala shun raha hai." dono ke beech takraar shuru ho jaati hai.

Zarina auto se utarti hai. "aditya i am sorry par tum kuch bol hi nahi rahe the."

"theek hai koyi baat nahi. Shaanti se apne ghar jaao...mujhe bhul mat jaanta."

"tumhe bhulna bhi chaahun to bhi bhula nahi paaungi"

"dekha ho gayi na apni baate shuru." aditya ne muskuraate huve kaha.

Zarina ne ush gali ki aur dekha jishme ushki mausi ka ghar tha aur gahri saans li. "chalu main phir"

Thodi der dono mein khaamosi bani rahti hai. Aditya zarina ko dekhta rahta hai. "jaate jaate kuch kahogi nahi" aditya ne kaha.

Aditya ab kya kahuntumhaara sukriya karun bhi to kaise, samajh nahi aata


Sukriya us khuda ka karo jisne hame insaan banaaya hai. mera sukriya kyon karogi?

Kabhi khaana bura bana ho to maaf karna, aur jaldi shaadi kar lena, tum akele nahi rah paaoge

theek hai..theek hai.ab rulaaogi kya.. chalo jao apni mausi ke ghar


Theek hai aditya apna khyaal rakhna aur haan maine jo us din tumhaare sar par flower pot maara tha uske liye mujhe maaf kar dena

Aur us hokey ka kya?

Zarina Sharma kar muskura padti hai aur kahti hai, haan uske liye bhi


Theek hai baba jao ab. log hamein ghur rahe hain


Zarina bhaari kadmo se mud kar chal padti hai aur aditya use jaate huve dekhta rahta hai.

Vo ushe peeche se awaaj dene ki koshis karta hai par ushke muh se kuch bhi nahi nikal paata.

Zarina gali mein ghuss kar peeche mud kar aditya ki taraf dekhti hai. Dono ek dusre ko ek dard bhari muskaan ke saath bye karte hain. Unki dard bhari muskaan mein unka unkaha pyar ubhar aata hai. Par dono abhi bhi ish baat se anjaan hain ki vo na chaahte huve bhi ek anokhe bandhan mein bandh chuke hain. Pyar ke bandhan mein.


Jab zarina gali mein ojhal ho jaati hai to aditya mud kar bhaari man se chal
padta hai.

Pata nahi Kaise ji paaunga zarina ke bina main? Kaash! Ek baar ushe apna dil cheer kar deekha pataKya vo bhi mujhe pyar karti hai? Lagta to hai. Par kuch kah nahi sakteaditya chalte-chalte soch raha hai.


Achaanak use peeche se awaaj aati hai

Aditya!!! Ruko.

Aditya mud kar dekhta hai.

Ushke peeche zarina khadi thi. Ushki aankho se aanshu bah rahe the.

Arey tum ro rahi ho tumhe to apne, apno ke paas jaate vakt khus hona
chaahiye

Tum se jyada mera apna kaun ho sakta hai aditya mujhe khud se dur mat karo


Aditya ki bhi aankhe chalak uthti hain aur vo daud kar zarina ko gale laga kar
kahta hai, kyon ja rahi thi phir tum mujhe chhod kar?

Tum mujhe rok nahi sakte the? zarina ne gusse mein pucha.

Rok to leta par yakin nahi tha ki tum ruk jaaogi

Tum kah kar to dekhte zarina subakte huve boli.

Ohhzarina I Love You

pata nahi kyon.... but I Love you too aditya zarina ne kaha.

Mujhe kuch samajh nahi aa raha tha ki vaapis kaise jaaunga

Aur main soch rahi thi ki tumhaare bina kaise ji paaungi



Acha huva tum vaapis aa gayi varna delhi se meri laash hi jaati

Aisa mat kaho main vaapis kyon nahi aati. Ammi,abba aur fatima ko to kho chuki hun, tumhe nahi kho sakti aditya

Unhe us pal Kisi baat ka hosh nahi rahta. Pyar aur hosh shaayad muskil se saath chalte hain.

Pata haimain tumhe bilkul like nahi karta tha

Main bhi tumse bahut nafrat karti thi

Aisa kaise ho gaya? Ye sab sapna sa lagta hai aditya ne kaha

Ye to pata nahipar mujhe hamesha apne paas rakhna aditya, tumhaare bina main nahi ji sakti

Tum meri jeendagi ho zarina, mere paas nahi to aur kaha rahogi

Par ab hum jaayenge kaha. mujhe nahi lagta ki hum dono us nafrat ke maahol mein rah paayenge?

Chinta mat karo, pyar huva hai to is pyar ke liye koyi na koyi sukun bhara
aasiyana bhi jaroor mil jaayega

dono haatho mein haath ley kar chal padte hain kisi anjaani raah par jiski
manjil ka bhi unhe nahi pata. Pyar ki raah par manjil ki vaise parvaah bhi kaun karta hai.


Jis tarah nadi pahaad ko cheer kar apna raasta bana leti hai. Usi tarah pyar
bhi is kathor duniya mein apne liye raaste nikaal hi leta hai. Tabhi shaayad
itni nafrat ke baavjud bhi duniya mein pyar aaj bhi zeenda hai.



Happy Valentine Day






______________________________

Reply With Quote
Have you seen the announcement yet?
  #2  
Old 14th February 2011
sonali001's Avatar
Custom title
 
Join Date: 20th August 2010
Location: in the hearts
Posts: 9,269
Rep Power: 29 Points: 4989
sonali001 is hunted by the papparazisonali001 is hunted by the papparazisonali001 is hunted by the papparazisonali001 is hunted by the papparazisonali001 is hunted by the papparazisonali001 is hunted by the papparazi
Jatin Sir for new Story ...

Reply With Quote
Have you seen the announcement yet?
  #3  
Old 14th February 2011
cool_guy1's Avatar
Jahan Chaah Wahan Raah
  IPL/CLT20 'Predict & Win' Contest: Predict & Win Contest      
Join Date: 14th January 2010
Location: In Your Heart
Posts: 34,281
cool_guy1 has disabled reputations
Send a message via Yahoo to cool_guy1
Jatin Bhai I think main pehle bhi ye story padh chuka hoon

Lekin its a wonderful story

Hats off to u



Ravi

Reply With Quote
Have you seen the announcement yet?
  #4  
Old 14th February 2011
sonali001's Avatar
Custom title
 
Join Date: 20th August 2010
Location: in the hearts
Posts: 9,269
Rep Power: 29 Points: 4989
sonali001 is hunted by the papparazisonali001 is hunted by the papparazisonali001 is hunted by the papparazisonali001 is hunted by the papparazisonali001 is hunted by the papparazisonali001 is hunted by the papparazi
Fantastic Valentine Gift Jatin Sir .....

Reply With Quote
Have you seen the announcement yet?
  #5  
Old 14th February 2011
jatin2121's Avatar
Custom title
  Storyteller: Valentine's Love Guru    Annual Masala Awards: Thread of the Year      
Join Date: 5th April 2009
Posts: 1,065
Rep Power: 26 Points: 4518
jatin2121 is hunted by the papparazijatin2121 is hunted by the papparazijatin2121 is hunted by the papparazijatin2121 is hunted by the papparazi
Quote:
Originally Posted by cool_guy1 View Post
Jatin Bhai I think main pehle bhi ye story padh chuka hoon

Lekin its a wonderful story

Hats off to u



Ravi

oh main bataana bhul gaya. ye story maine valentine contest mein likhi thi peechle saal. it won the award too .
par kuch changes ke saath dubara post ki hai. aap sabhi ne yahi tak padhi hogi. story ab thoda aage bhi badeghi.
will give some updates...

with regards
...........jatin

______________________________

Reply With Quote
Have you seen the announcement yet?
  #6  
Old 14th February 2011
jatin2121's Avatar
Custom title
  Storyteller: Valentine's Love Guru    Annual Masala Awards: Thread of the Year      
Join Date: 5th April 2009
Posts: 1,065
Rep Power: 26 Points: 4518
jatin2121 is hunted by the papparazijatin2121 is hunted by the papparazijatin2121 is hunted by the papparazijatin2121 is hunted by the papparazi
Quote:
Originally Posted by sonali001 View Post
Jatin Sir for new Story ...
Quote:
Originally Posted by sonali001 View Post
Fantastic Valentine Gift Jatin Sir .....

thanks a lot sonali. aapko valentine bahut bahut mubaarak
______________________________

Reply With Quote
Have you seen the announcement yet?
  #7  
Old 14th February 2011
cool_guy1's Avatar
Jahan Chaah Wahan Raah
  IPL/CLT20 'Predict & Win' Contest: Predict & Win Contest      
Join Date: 14th January 2010
Location: In Your Heart
Posts: 34,281
cool_guy1 has disabled reputations
Send a message via Yahoo to cool_guy1
Quote:
Originally Posted by jatin2121 View Post
oh main bataana bhul gaya. ye story maine valentine contest mein likhi thi peechle saal. it won the award too .
par kuch changes ke saath dubara post ki hai. aap sabhi ne yahi tak padhi hogi. story ab thoda aage bhi badeghi.
will give some updates...

with regards
...........jatin

Wohi to Sorry main bhul gaya tha

story ab aage badhegi

Pls Update More

Ravi

Reply With Quote
Have you seen the announcement yet?
  #8  
Old 14th February 2011
jatin2121's Avatar
Custom title
  Storyteller: Valentine's Love Guru    Annual Masala Awards: Thread of the Year      
Join Date: 5th April 2009
Posts: 1,065
Rep Power: 26 Points: 4518
jatin2121 is hunted by the papparazijatin2121 is hunted by the papparazijatin2121 is hunted by the papparazijatin2121 is hunted by the papparazi
Quote:
Originally Posted by cool_guy1 View Post
Wohi to Sorry main bhul gaya tha

story ab aage badhegi

Pls Update More

Ravi
______________________________

Reply With Quote
Have you seen the announcement yet?
  #9  
Old 14th February 2011
friend_just_buddy's Avatar
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 68,631
Rep Power: 111 Points: 40884
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Aapaki ye story pahle bhi padhi hai bt stil feel lik a fresh 1. Gud 2 knw dat u r updtin it 2 da nxt level. Previous ws a happy endin, curious 2 knw abt da future f ds love story. Carry on bro. Tc

Reply With Quote
Have you seen the announcement yet?
  #10  
Old 14th February 2011
rohithot4u's Avatar
WTF
  Annual Masala Awards: Thread of the Year      
Join Date: 5th January 2011
Location: love world
Posts: 2,344
Rep Power: 25 Points: 7455
rohithot4u has celebrities hunting for his/her autographrohithot4u has celebrities hunting for his/her autographrohithot4u has celebrities hunting for his/her autographrohithot4u has celebrities hunting for his/her autographrohithot4u has celebrities hunting for his/her autographrohithot4u has celebrities hunting for his/her autographrohithot4u has celebrities hunting for his/her autographrohithot4u has celebrities hunting for his/her autographrohithot4u has celebrities hunting for his/her autographrohithot4u has celebrities hunting for his/her autograph
Ek Anokha Bandhan wow



jatin abhi thoda busy hu. Araam se padhunga
will give my feedback later.

Rohit.
______________________________
Baat ek raat ki hai pyar se padhiye, aap darenge bhi aur muskurayenge bhi jara jajbaat se padhiye

Reply With Quote
Have you seen the announcement yet?
Reply Free Video Chat with Indian Girls


Thread Tools Search this Thread
Search this Thread:

Advanced Search

Posting Rules
You may not post new threads
You may not post replies
You may not post attachments
You may not edit your posts

vB code is On
Smilies are On
[IMG] code is On
HTML code is Off
Forum Jump


All times are GMT +5.5. The time now is 10:40 PM.
Page generated in 0.01939 seconds